bin wieder unterwegs....

bin wieder unterwegs....

und verabschiede mich bis nächste woche.

http://www.samichlouszunft-bern.ch

Värsli für di grosse Lüt

Samichlaus, du guete Maa,
du bisch doch für alli Mönsche da ...
lueg, i hätte ganz e schüüchi Bitt:
Chumm o mal zu de grosse Lüt!
Weisch, vilicht steit im dicke Buech
ou mängs vo ihne drinne - suech!

Vo Müetere, wo hässig tüe
u Vättere, wo am Morge früe
bis spät ir Nacht im Büro sy.
U Chindergärtnere, wo mi
hütt gstrublet het, i miech e Wett,
si isch geschter znacht viel z'spät i ds Bett!

Vo Lehrer, won is mängisch plage
mit dumme, komplizierte Frage,
vo settigne, wo d'Chinder houe,
u dene, wo so Hüser boue,
wo mir nümm drinn spiele chöi,
wil alls so suber isch u nöi.

Vo Outofahrer, wo wie gstoche dür üses Dörfli bloche,
vo Lüt, wo jufle, chrampfe, hetze
und üses Chindsy nümm chöi schetze ....
Drum, Samichlous, du liebe Ma:
Fang einisch bi den Aute aa!